www.CostaWeb.es

Enseñanza, Diseño Web e Informática

 
 
 
 
 



Ribeira: este venres 13, Luis Cobos e Jabon Blue en concerto contra o alcohol
 
 Enviada o 12/05/2011 na categoría: Novas
Este venres 13 hai unha intensa xornada dedicada á prevención e sensibilización dos veciños sobre seguridade viaria e, con tal motivo, a céntrica praza de España de Ribeira vai dar cabida a un conxunto de actividades ao longo de todo o día, entre as cales o prato forte será o concerto que o compositor Luis Cobos e a banda local Jabon Blue ofrecerán a partir das once da noite.

Para explicar os pormenores da xornada déronse cita no auditorio o director xeral de Xuventude da Xunta de Galicia, Ovidio Rodeiro, o director de Agadic (Asociación Galega de Industrias Culturais), Juan Carlos Fernández Fasero, e os edís municipais de Xuventude e Cultura, Vicente García e Luciano Fernández, respectivamente.

Ovidio Rodeiro lembrou que esta actuación forma parte da Campaña Libre (Libre de Alcol, Libre de Preocupacións) iniciada no 2009 pola súa Dirección Xeral para sensibilizar á mocidade sobre a importancia de que cando saian de marcha e consuman alcol non collan o coche. Precisamente, a formación musical Jabon Blue é a embaixadora desta campaña no 2011, tras gravar un videoclip do seu tema “Flores en la Carretera” coa intención de seres emitido nos locais nocturnos das principais zonas de marcha de Galicia á hora do peche. Para esa gravación o grupo que lidera Javi Maneiro contou coa colaboración de Luis Cobos e de artistas tan recoñecidos como Manuel Manquiña.
http://youtu.be/VJQ122X285Y

O programa deste venres:

De 10.30 a 13 horas.- Entre 600 e 700 alumnos de Secundaria e ESO dos distintos centros educativos de Ribeira participarán nun Parque Móbil de Seguridade Viaria da DXT, consistente nun circuíto de karts dun tamaño semellante ao dun campo de fútbol sala, con sinais de tráfico, semáforos, etc...

Ademais, haberá un karaoke en pantalla xigante de tecnoloxía LED de última xeración para que os rapaces teñan a oportunidade de cantar a canción “Flores en la Carretera” mentres se emite o videoclip.

Tamén haberá inchables e unha exposición sobre seguridade viaria que estará formada por distintos medios subministrados polos Bombeiros de Ribeira, Protección Civil e a Policía.

De 16 a 18 horas.- As accións antes descritas estarán abertas gratuitamente a todos os cidadáns que queiran achegarse ata a Praza de España.

De 22 a 23 horas.- 150 moteiros pertencentes aos distintos clubs da comarca percorrerán as rúas de Ribeira portando fachos acendidos. A peregrinación comezará na explanada situada ao lado do Club Náutico de Ribeira e desembocará na praza de España cunha concentración antes do inicio do concerto.

Desde as 23 horas.- O prato forte da xornada: concerto na praza de España con actuación en primeiro lugar do compositor Luis Cobos, quen estará acompañado de 28 músicos galegos, ademais dalgún artistas invitado, como Rosa Cedrón. Esta parte durará uns 25/30 minutos.

A continuación, Luis Cobos e Jabon Blue compartirán escenario durante dous ou tres cancións, unha das cales será o tema “Flores en la Carretera“.

Actuación de Jabon Blue, que dará remate ao acontecemento.

Juan Carlos Fernández Fasero salientou na súa intervención que non é doado ver en Galicia unha actuación na que coincidan á vez nun mesmo escenario unha formación pop rock e unha formación de cámara, polo que felicitou a Ribeira por ter esta oportunidade.

O concelleiro de Xuventude, Vicente García, lembrou que a participación de Jabon Blue na Campaña Libre foi posible despois de que no pasado verán, e precisamente en Ribeira, o vocalista Javi Maneiro coincidira con Ovidio Rodeiro durante a celebración do Día Internacional de Xuventude.

Fuente: http://certo.posterous.com/ribeira-este-venres-13-luis-cobos-e-jabon-blu


Entradas relacionadas:
 

Informática Costaweb

Nesta web damos información de todos os productos informáticos que podemos ofrecer cos seus respectivos precios
Ver web ]

Ver enlaces interese
INELBA Instalaciones y servicios.
Inelba, le ofrecemos una amplia gama de servicios relacionados con las instalaciones y montajes eléctricos en general y las telecomunicaciones.  [ Ver web ]
Lampón Lampón Abogados.
Nuestra filosofía se centra en prestar asesoramiento jurídico personalizado y adecuado a las circunstancias personales de cada caso.  [ Ver web ]
Boxers do Agro das Viñas
Vos presentamos unha web onde se exhiben uns fermosos cans de competición de raza Boxer.  [ Ver web ]
Ver tódalas nosas webs
 
Portada | Diseño web | Publicidade | Informática | Contacto | ¿Dónde estamos?
© 2007 - 2015 www.CostaWeb.es   Tódolos dereitos reservados.