Portada Buscador Web NovasEventosFestasNovedades Enlaces de interese As Nosas Webs

Diseño Web Publicidade Informática

Formulario de contacto ¿Dónde estamos?

Adolfo Muíños, alcaldable polo Bng en Rianxo, expresou aos directivos de "Leiras de Rianxo" a vontade deste novo mandato de centrarse sen dilacións na consecución dun Plan Xeral de Ordenación Urbana Municipal (PXOM). "Un PXOM que non pode agardarse máis para substituír a unhas normas obsoletas do ano 85. Os escenarios das novas leis do solo, do Plan de Ordenación do Litoral, que afectan a boa parte do chan rianxeiro, das directrices do territorio, están a complicar e adiar os traballos, pero iso non pode nin debe ser obstáculo para impulsar o documento que plasme por onde vai ir o urbanismo de Rianxo para os vindeiros dez anos", explicou.

Adolfo Muíños expresoulles a vontade de sentarse axiña co equipo redactor e trazar a liña fundamental para o PXOM: "pensar nos que viven e queren vivir en Rianxo, nas familias que apostan por manter a vida das parroquias. Este é para o BNG o eixe sobre o que traballar e desenvolver urbanísticamente o concello, o veciño e veciña como centro da planificación. Despois será atender tamén outras posibilidades como as demandas razonábeis e sustentábeis de segundas residencias, ou vivendas para veraneantes, mais esta non cremos deba ser a prioridade número un", asegurou.

Servizo de Urbanismo

Adolfo Muíños tamén sinalou a necesidade de impulsar un servizo de urbanismo municipal con medios técnicos suficientes para poñelos ao servizo dos veciños, para dar solucións reais e cun absolutamente transparente, de independencia e que dea estabilidade, lonxe dos fichaxes caprichosos que teñen feito que en cinco anos seis arquitectos a dedo teñan pasado polas oficinas do concello para ser os directores da área.

Participación veciñal e transparencia na xestión

O candidato do BNG explicou tamén o desexo de favorecer a presenza e participación directa dos veciños nos plenos, ampliando a celebración dun pleno mensual no que poidan intervir para plantexar os temas que eles mesmos queren abordar e interpelar os concelleiros das actuacións a desenvolver. "Isto obriga a manter unha liña de comunicación cos colectivos das parroquias e que estean ao tanto destas convocatorias municipais. Promoveremos unha auténtica reforma das canles de comunicación a comezar desde o portal web do concello nas que estarán dispoñíbeis todos os acordos públicos que se tomen nos plenos e comisións, as convocatorias e as ofertas laborais. Transparencia, pois nada se ten que agochar nin ocultar e menos aos veciños", salientou o candidato á alcaldía polo Bng.

Adolfo Muíños pediu a "Leiras de Rianxo" que sigan funcionando despois das municipais como até agora "sendo activos, dinamizadores da participación e críticos sexa quen sexa a forza que goberne, iso rexenera a institución e da vitalidade ao noso concello". Amosou tamén o compromiso de manter este diálogo non só con Leiras, senón co resto das asociacións rianxeiras. Por parte de Leiras, os directivos sinalaron a necesidade de que se pense nas parroquias, nas que existe a sensación de seren "as grandes esquecidas da actuación do executivo". "Como manifestei hai uns días no Araño -respondeu o candidato- a miña vontade é chegar a dotar de medios económicos ao orzamento municipal para que directamente se poidan encamiñar desde os consellos de participación parroquial aquelas actuacións prioritarias".

Fuente: http://certo.posterous.com/rianxo-o-bng-reuniuse-coa-asociacion-leiras-d