www.CostaWeb.es

Enseñanza, Diseño Web e Informática

 
 
 
 
 



"Sen dereito a médico asignado ou a medicamentos"
 
 Enviada o 24/11/2011 na categoría: Novas
A Xunta asegura que as persoas sen recursos conservan o acceso a todas as prestacións. A CIG négao, di que hai até 65.000 familias só poden acudir a urxencias.

O Goberno Galego negou este sábado que haxa parados de longa duración en Galicia que non teñan acceso aos servizos médicos por serlle cancelada a tarxeta Sanitaria. Segundo a CIG "existen 65.000 familias sen recursos que dende o pasado 10 de setembro poderían ter quedado sen dereito á sanidade pública".

O sindicato nacionalista presentou o caso dunha parada de longa duración ao "á que lle denegaron, sen previa comunicación, o acceso á consulta e á asistencia farmacéutica gratuíta logo de que o SERGAS lle desactivase a súa tarxeta sanitaria por ser unha persoa sen recursos económicos".

Sanidade asegura que a nova lei cubre "o dereito á asistencia sanitaria en Galicia, tanto se traballan como se non nese momento". Iso si, o Executivo admite que no resto do Estado español a atención non está garantida se constan sen dereito á asistencia sanitaria na base de datos da Seguridade Social.

Segundo a versión de San Caetano, as dúas vías contempladas na Seguridade Social para o recoñecemento do dereito ás prestacións sanitarias para estes casos -e que dan dereito á asistencia sanitaria en todo o Estado español- son a de poñerse como beneficiario dun titular da Seguridade Social, co que conviva e do que dependa economicamente, ou solicitalo como persoa sen recursos económicos suficientes. Preto de 1.000 persoas solicitaron xa acollerse dende setembro.

A CIG denuncia precisamente o contrario. Na súa versión denuncia que precisamente esa lei aprobada en setembro polo PPdeG "deixa as persoas sen recursos que solicitan a tarxeta sen dereito a ter médico asignado, a poder ser citados e a ter prestación farmacéutica". "Só se lles recoñece dereito á asistencia de urxencia" e emerxencia" conlúe a central de traballadores.

Fuente: http://www.galiciaconfidencial.com/nova/8988.html


Entradas relacionadas:
 

ASOCIACION DE VECIÑOS DE CARREIRA

Non forma parte da nosa política de publicidade. Pero como estas persoas traballan desinteresademente para o pobo promovendo actividades a alternativas tanto para mayores como para os nosos nenos vemonos interesados a dar o enlace o seu blogspot.
Ver web ]

Ver enlaces interese
INELBA Instalaciones y servicios.
Inelba, le ofrecemos una amplia gama de servicios relacionados con las instalaciones y montajes eléctricos en general y las telecomunicaciones.  [ Ver web ]
Lampón Lampón Abogados.
Nuestra filosofía se centra en prestar asesoramiento jurídico personalizado y adecuado a las circunstancias personales de cada caso.  [ Ver web ]
Boxers do Agro das Viñas
Vos presentamos unha web onde se exhiben uns fermosos cans de competición de raza Boxer.  [ Ver web ]
Ver tódalas nosas webs
 
Portada | Diseño web | Publicidade | Informática | Contacto | ¿Dónde estamos?
© 2007 - 2015 www.CostaWeb.es   Tódolos dereitos reservados.